· У сучасным свеце так сталася, што быць беларускамоўным і/альбо гадаваць беларускамоўных дзяцей – патрабуе вялікіх асабістых высілкаў. Тое ж самае датычыцца выкладчыкаў, якія свядома абіраюць мову выкладання беларускую.

· Брак літаратуры, падтрымкі, нейкіх прэферэнцый, звязаных з беларускамоўнасцю.

· Беларуская мова не ўспрымаецца як мова навукі, мова, на якой адбываецца нешта цікавае, што дае табе перавагу перад носьбітамі іншых моваў.

· Другая праблема ўзнікла пасля 2020 году і масавай міграцыі беларусаў: адарванасць дзяцей, падлеткаў і сем’яў ад сяброў, асабліва беларускамоўных, улічваючы іх працэнт у агульнай колькасці беларусаў, што змянілі краіну пражывання.

· У новай краіне дзеці, падлеткі і сем’і натуральным чынам вымушаны адаптавацца да новых умоваў, вучыць мову краіны прыбыцця, інтэгравацца ў новае грамадства, што разрывае сувязі як з Беларуссю, так і з беларускай мовай і беларускай ідэнтычнасцю.

· Асобна стаяць дзеці са змешаных сем’яў, дзе адзін з бацькоў, часцей за ўсё маці, дае дзецям сваю мову, чытае кнігі, размаўляе на беларускай, а сферы прымянення звычайна няма, што паніжае статус беларускай мовы ў вачах дзяцей.

· Важна таклама выдзеліць эмацыйны і фізічны стан дзяцей і падлеткаў, якія вымушаны жыць у стане пастаяннага стрэсу ў Беларусі, альбо ў краіне пераезду.

Такім чынам падсумуем існуючыя праблемы, а пасля дадзім варыянт рашэння з дапамогай адпачынку ў міжнародным летніку "Злёткі":

● нізкі статус беларускай мовы. Рашэнне: беларускамоўнасць дае магчымасць адпачыць на моры і прыняць удзел у міжнародным летніку..

● разрозненасць беларускамоўных дзяцей і падлеткаў. Рашэнне: праз удзел у летніку "Злёткі" падлеткі і дзеці завядуць новыя знаёмствы з беларускамоўнымі беларусамі, што жывуць зараз у розных краінах свету, а таксама створаць уласнае кам’юніці.

● беларускамоўнасць, як прыкмета адарванасці ад натоўпу, “не такі”. Рашэнне: знаёмства і сустрэча ў летніку "Злёткі" з такімі ж беларускамоўнымі падлеткамі і дзецьмі з розных краінаў.

● брак прыродазнаўчага навуковага кантэнту, нізкі статус беларускай мовы, як мовы навукі. Рашэнне: навучанне ў паспяховых беларускамоўных педагогаў, стварэнне ўласнага беларускамоўнага кантэнту.

● стрэсавыя ўмовы існавання дзяцей і падлеткаў апошнія тры гады. Рашэнне: фізічнае і эмацыйнае аздараўленне на моры.

Мы ўсе зараз раскіданыя па свеце, зусім па розных краінах, і надзвычай важна прытрымлівацца таго, што нас усіх яднае. Для нас гэта, канечне, Беларусь і беларуская мова, але ж есць тое, што аднолькавае для ўсіх краін нашай пранеты, і бедных, і багатых, і сярэднеразвітых, тое, што накіравана на паляпшэння жыцця кожнага, дабрабыт і ахову нашай планеты. Тое, што дазваляе не замыкацца ў мясцовых праблемах, але знайсці сябе ў адкрытым глабальным свеце.

Мы надаем вялікую ўвагу Мэтам Устойлівага развіцця, дэманстрацыі іх важнасці і сувязі з жыццём.

Пад час летніка мы падтрымліваем наступнае:

• Мэта №17: "Партнёрства ў мэтах устойлівага развіцця". Усе мы зараз раскіданыя па розных краінах. Мы застаемся беларусамі. са сваімі звычкамі, светапоглядам, традыцыямі, але сутыкаемся з іншымі, іх краінай, ладам жыцця і нормамі. Мы ўпэўненыя, што кожнаму ёсць чым каштоўным падзяліцца, і ёсць што пераняць, каб узбагаціць адна аднаго. Намі запланавана калектыўная творчая справа “Мы розныя. Мы разам”. А таксама гучныя чытанні і творчае пераасэнсаванне кнігі “Жабка і чужынец”.
• Уся канцэпцыя міжнароднага летніка для беларускамоўных дзяцей адпавядае Мэце ўстойлівага развіцця №10: “Памяншэнне няроўнасці”, бо вымушаная міграцыя моцна панізіла ўзровень жыцця многіх сем’яў, як і ваенна-палітычныя падзеі апошніх трох год адбіліся на добрабыце сем’яў унутры Беларусі. Асобным вялікім фактарам з’яўлаецца той факт, што свядомае беларускамоўнае жыццё моцна звужае магчымасці для адукацыі, стасункаў і адпачынку сем’яў.
• Мэта №16 устойлівага развіцця: “Мір, правасуддзе і эфектыўныя інстытуты”. На жаль, многія з беларускамоўных і беларускіх сем’яў сутыкнуліся за апошнія гады з парушэннямі іх канстутыцыйных і чалавечых правоў, затрыманнямі знаёмых і бацькоў. Мы плануем разабрацца з відамі грамадстваў, уладаў і дзяржаваў, зладзіць тэматычнае мерапрыемсва.
• Мэта №4 устойлівага развіцця: “Якасная адукацыя”, каб беларускамоўныя дзеці маглі атрымаць прыродазнаўчыя навуковыя звесткі на роднай для іх мове, нестандартнымі спосабамі і метадамі.
• Мэта №5 устойлівага развіцця: “Гендэрная роўнасць”. Пры падборы персаналу мы прытрымліваемся прынцыпаў гендэрнай роўнасці. Паспяховыя жанчыны-навукоўцы ў прыродазнаўчых навуках, якія прымуць удзел у правядзенні летніка, пра прадметах фізіка, біялогія, хімія, праграмаванне, паспрыяюць, як мы спадзяемся, большаму выбару гэтых накірункаў для далейшай дзейнасці дзяўчатамі, што паспрыяе ў далейшым іх сацыяльнай і фінансавай паспяховасці. Што звязана з мэтай устойлівага развіцця №8: “Годная праца і эканамічны рост”.
• Мэта №6: “Чыстая вада і санітарыя”. Праграма летніка ўлічвае заняткі па здабычы прэснай вады з марской, фільтрацыі і ачышчэнню прэснай вады з адкрытых крыніцаў (рака, балота, лужына). Дэманстрацыю развіцця мікраарганізмаў у вадзе з адкрытых крыніцаў.
• Мэта №12 устойлівага развіцця “Адказнае спажыванне і вытворчасць”. Пры разліку матэрыялаў, планаванні заняткаў, распрацоўцы меню, мы карыстаемся падыходам мінімізацыі адходаў, паўторнага скарыстання, пераапрацоўкі. Пад час правядзення летніка будзе арганізаваны асобны збор пластыка с маркроўкай 2 і 5, а таксама наведванне адзінага ў Грузіі прадпрыемства па пераапрацоўцы дадзеных відаў пластыку, каб зразумець сэнс акцыі па збору накрывак ад пластыкавых бутэлек.
• Мэта №14 устойлівага развіцця: “Захаванне марскіх экасістэм”. Заняткі па біялогіі дадуць магчымасць бліжэй пазнаёміцца з морам, як экасістэмай, пабачыць узаемасувязь усіх краінаў, нават не марскіх, а таксама дадуць разуменне, што гэта за аб’ект тым дзецям і падлеткам, хто раней ні разу не быў на моры.
• Мэта №15 устойлівага развіцця: “Захаванне экасістэм сушы”. На прыкладзе наведвання дэндрапарку ў Шэквецілі распавядзецца, як прыхаці мільянераў адной краіны, уплываюць на экасістэму іншай краіны (кейс Іванішвілі і баабабаў Кеніі). А пры наведванні заапарку ў Батумі будзе праведзена лекцыя пра навуковае, даследчае і захаваўчае значэнне заапаркаў для дзікай прыроды.

• старынныя фотаздымкі;
• карціны;
• мадэлі судоў;
• мапы свету;
• навігацыйныя прыборы для судаходства;
• старажытныя касцюмы вадалазаў;
• часткі судоў.

• У цэнтры парка размяшчаецца штучнае возера, глыбінёй каля 6 метраў, населенаеружовымі і чырвонымі фламінга. Таксама на тэррыторыі парка можна пабачыць буслоў, качак, жураўлёў, папугаяў, паўлінаў, лебядзей, пеліканаў ды іншых птушак.

• Морскі пляж пясчаны, у 10 хвілінах марудным крокам праз маляўнічы парк і інстаграмны мост. Уваход у ваду мелкі, глыбіня набіраецца вельмі павольна, пляж размешчаны двумя вежамі ратаўнікоў, якія увесь час сочаць за бяспекай.